Trend in xəbər verdiyi kimi, Azərbaycan prezidenti İlham Əliyev respublikanın Zaqatala, Qax, Balakən rayonları və Şəki şəhərinin sosial-iqtisadi inkişafının sürətləndirilməsi üzrə əlavə tədbirlər haqqında sərəncam imzalayıb.
Sərəncamda bildirilir ki, "2004-2008-ci illərdə Azərbaycanda regionların sosial-iqtisadi inkişafı" üzrə dövlət proqramı uğurla həyata keçirilir ki, bu da əhalinin rifahının yaxşılaşdırılmasına imkan verir.
O da qeyd olunur ki, yuxarıda adları çəkilən rayonlarda və Şəki şəhərində bir sıra sosial-iqtisadi problemlər hələ də qalmaqdadır.
Bununla əlaqədar olaraq Zaqatala, Qax, Balakən rayonları və Şəki şəhərinin sosial-iqtisadi inkişafının sürətləndirilməsi üzrə Fəaliyyət Planı təsdiq edilir.