Bu il Gəncə şəhərində daha üç müəssisənin özəlləşdirilməsi başa çatıb. Bu barədə məlumatı Dövlət əmlakının idarə edilməsi üzrə Komitənin 6 saylı ərazi şöbəsinin rəisi Rafiq Quliyev bildirib. Onun sözlərinə görə, bunlar "Gəncə Sənaye Cihaz", "Gəncə Tikinti Materialları" və "Gəncə Sənaye İstehsal" açıq tipli səhmdar cəmiyyətləridir. Şöbə rəisi bu ilin 6 ayı ərzində daha 75 kiçik obyeklərin özəlləşdirildiyini vurğulayıb. Onlardan 36-sı dövlət müəssisə və obyektləri, 39 isə qeyri-yaşayış sahələridir. R. Quliyev onu da bildirdi ki, hazırda daha 4 iri dövlət müəssisəsinin özəlləşdirilməsi üçün işlər görülür. Bunun üçün hələlik sənədlərdən ibarət emissiya toplusu hazırlanır. Bu müəssisələr Gəncə Xalça Kombinatı, Maşınqayırma zavodu, Ağac Emalı Zavodu və Gəncə Sənaye Tikinti Materialları Kombinatıdır. Qeyd edək ki, Gəncə şəhərində iri dövlət müəssələrindən yalnız 30 %-i özəlləşdirilməməmiş qalır.
...
