Amerikanın Beynəlxalq Səhiyyə Birliyinin (AİHA) həyata keçirdiyi "Səhiyyədə Əməkdaşlıq Layihəsi" çərçivəsində Gəncədə həkim və tibb bacıları üçün seminar-treninq keçirilir. 6 saylı poliklinikada keçirilən tədbirin təqdimetmə mərasiminə ABŞ-ın Koliforniya ştatından olan səhiyyə işçiləri və professorlar iştirak edirdi. İlkin olaraq media işçiləri üçün konfrans keçirildi. Burada bildirildi ki, layihə ABŞ Beynəlxalq İnkişaf Agentliyi və beynəlxalq donor təşkilatları tərəfindən dəstəklənir. Bu vəsaitlər hesabına poliklinikada ilkin tibbi kliniki xidmət şöbəsinin yaradılması nəzərdə tutulub. Hazırda şöbədə təmir işləri aparılır.
Təşkilatın ölkə üzrə proqram koordinatoru Ceyhun Məmmədov layihənin əsas məqsədinin həkimlərin maarifləndirilməsi və pasiyentlə tibb işçiləri arasında münasibətlərin daha yaxşı formada qurulmasına kömək etməkdir. Qeyd edək ki, bu proqram çərçivəsində 2004-cü ildən Gəncə şəhər Səhiyyə İdarəsi ABŞ-ın Koliforniya ştatının Livermor şəhəri ilə əməkdaşlıq edir.