"Kaspian Servis" kompaniyası Hacıkənd qəsəbəsində mehmanxana tikintisini oktyabr ayında nəzərdə tutur. Bu barədə jurnalistlərə məlumat verən kompaniyanın Gəncə üzrə vitse-prezidenti Murquz İbrahimov bildirib ki, artıq Gəncə şəhər İcra Hakimiyyyəti başçısı tərəfindən Hacıkənddə 20 sot sahənin verilməsi üçün sərəncam alınıb.
İbrahimovun sözlərinə görə hal-hazırda kompaniyanın bir neçə tikintisi olduğu üçün mehmanxananın inşası oktyabr ayına saxlanılıb.
Məlumat üçün bildirək ki, mehmanxanada iki kinozal, üzgüçülük hovuzu, restoran, sauna, bilyard zalı və yığıncaqlar keçirmək üçün yerlər nəzərdə tutulub.
