Dünən saat 21.30 radələrində Salyan rayonunun Xələc kəndində yerləşən məhbusların 5 saylı cəzaçəkmə müəssisəsindən qaçış cəhdi olub.
Dustaqlar - 1984-cü il təvəllüdlü Əmirov Emin Ağaxan oğlu və 1986-cı il təvəllüdlü, fərarilik üstündə həbsdə olan Cəfərov Sakit Zakir oğlu 2 mühafizə baryerini keçsələr də, sonuncuda postda olan əsgərlərin xəbərdarlığına məhəl qoymadıqlarından onlar atəş açmağa məcbur olub.
Nəticədə Əmirov Emin güllə yarası alaraq təcili Bakıdakı xəstəxanaya aparılıb. Cəfərov Sakit isə xəsarət almayıb.
Qaçışa cəhd edən hər iki məhbus Lənkəran şəhərindəndir. Təcili hadisə yerinə gələn Məhkəmə Qərarlarının İcrası İdarəsinin nümayəndələri təhqiqata başlayıb. Faktla bağlı Salyan rayon prokurorluğunda cinayət işi qaldırılıb.
