"Salyan-pambıq" ATSC-nin istehsalat şöbəsinin rəisi F. Kərimovun verdiyi məlumata görə, bu il 526 nəfər torpaq mülkiyyətçisi Səhmdar Cəmiyyətlə müqavilə bağlayıb. Nəticədə 3 min 775 hektar sahədə pambıq əkilib.
Qeyd edək Ki, əvvəlki illərlə müqaisədə bu il bol məhsul istehsal edilib. Artıq bir neçə gündür ki, rayonda kütləvi məhsul yığımına başlanılıb. Yığım mövsümünün iş günlərində hələlik heç bir çətinlik yoxdur. Mülkiyyətçilər pambıq yığımına ciddi hazırlıq görüblər. Pambıqçılar kifayət qədər önlük və bardanlarla təmin edilib. Yükdaşıyan maşın və traktorların normal hərəkəti üçün pambıq sahələrinin ətrafı qaydaya salınır.
Yığımın ilk günlərində Səhmdar Cəmiyyətə 300 tondan çox pambıq təhvil verilib. Proqnozlara görə, bu il Səhmdar Cəmiyyətə 6 min 200 tondan artıq pambıq təhvil veriləcəyi gözlənilir.
Salyan Rayon Statistika İdarəsindən verilən məlumata görə isə, sentyabrın 11-nə kimi rayonun fermerləri və fiziki şəxsləri 5min 100 hektar sahədən 642, 2 ton pambıq istehsal ediblər.
