Oktyabrın 2-3-də Avropa Birliyinin Cənubi Qafqaz ölkələri üzrə xüsusi nümayəndəsi Piter Semnebi Azərbaycana gələcək. Bu barədə Trend ə eksklüziv olaraq Piter Semnebinin özü məlumat verib.
Diplomat Azərbaycana AB "Üçlüyü" ilə birgə gələcək. Bundan əvvəl Azərbaycanın Benilüks ölkələri və AB-dəki səfiri Arif Məmmədovun Trend ə verdiyi məlumata görə, missiya Avropa Qonşuluq Siyasəti (AQS) üzrə Fəaliyyət Planının layihəsinin razılaşdırılmasına dair fikir mübadiləsi aparacaq.
Görüşlər zamanı AQS üzrə Fəaliyyət Planının razılaşdırılmamış bir neçə bəndinin müzakirəsi də gözlənilir.