Bu il Qərb Bölgəsində 500-600 hektar Soya bitkisinin becərilməsi nəzərdə tutulur. Bu barədə məlumatı Trendə Gəncə Aqrar Elm Mərkəzinin direktoru Ziyad Abbasov verib.
Onun sözlərinə görə, hazırda respublikamızda soya bitkisinə tələbat böyükdür. Bu məqsədlə Bakı şəhərindəki potensial soya alıcıları 500 hektarlıq soya əkilməsi üçün Qərb fermerlərinə sifariş etmək niyyətindədirlər. Müsahib soyanın qiymətinin taxıl və kartofdan bir neçə dəfə baha, kiloqramının təxminənə 30-40 qəpik olduğunu bildirdi. Məhz buna görə də artıq fermerlər bu bitkinin əkilməsinə maraq göstərməyə başlayıblar.
Z.Abbasov bildirdi ki, respublikamızda soya bitikisindən yağ istehsalında geniş istifadə olunur.