Naxçıvan MR Dövlət Meliorasiya və Su Təsərrüfatı Agentliyinin yaranmasından 74 il keçir. Trend in Naxçıvan Bürosu xəbər verir ki, bu münasibətlə agentlikdə tədbir keçirilib.
Tədbiri agentliyin baş direktoru Əsgər Əsgərov açaraq təşkilatın yaranma tarixindən bəhs edib. Direktor çıxışında su mənbəyi olan kəhrizlərin bərpası sahəsində görülən işlərdən də danışıb. Onun sözlərinə görə Naxçıvan MR Dövlət Meliorasiya və Su Təsərrüfatı Agentliyinin nəzdində "Kəhrizlər İdarəsi" yaradıldıqdan sonra 331 kəhrizə baxış keçirilərək pasportlaşdrılmış, qeydiyyata alınaraq balansa götürülmüş və onların bərpasına başlanılmışdır.
Məlumat üçün deyək ki, adıçəkilən təşkilat 1932-ci ilin noyabr ayında Naxçıvan Mərkəzi İcraiyyə Komitəsinin qərarı ilə yaradılıb.