AMEA Naxçıvan Bölməsinin illik hesabat yığıncağı keçirilib. Trend in Naxçıvan Bürosu xəbər verir ki, yığıncaq ötən ilin yekun nəticələrinə həsr edilib.
Yığıncaqda AMEA Naxçıvan Bölməsinin Sədri Akademik İsmayıl Hacıyev hesabat məruzəsi ilə çıxış edərək əldə olunan uğurlardan, bölmə əməkdaşlarının fəaliyyətidən danışıb. Daha sonra AMEA Naxçıvan Bölməsi nəzdində fəaliyyət göstərən 6 institutun hesabatı dinlənilib.
Tədbirdə qeyd olunub ki, ötən il tədqiqatlar 6 istiqamətdə 6 problemi əhatə etməklə 7 mövzuya daxil olan 34 iş 75 mərhələdə aparılıb. Tədqiqat işlərinin aparılmasında 1 AMEA-nın həqiqi üzvü, 8 elmlər doktoru, 18 elmlər namizədi, 17 aspirant və 41 dissertantı iştirak edib.
Nəticə olaraq isə 2006-cı ildə 15 kitab, 2 monoqrafiya, 349 məqalə, 4 tezis və 1 buklet hazırlanıb. 1 kitab, 25 məqalə və 1 tezis xarici ölkələrdə çap edilib. Bundan əlavə bölmə əməkdaşlarına 4 patent təqdim olunub, 1 ornitoloji xəritə tərtib edilib. Hesabat dövründə 140 yeni abidə aşkar edilib.
...