Ötən il Naxçıvan MR-də narkomaniya ilə bağlı 31 cinayət faktı qeydə alınıb. Trend in Naxçıvan Bürosu Naxçıvan MR-in Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Komissiyasının məlumatına istinadən xəbər verir ki, cinayət faktlarının sayı say etibarilə 4 fakt artıb.
Məlumata görə ötən il baxılıb nəticə verilmiş cinayət və inzibati işlər üzrə qanuni qüvvəsini almış hökmlərə və qərarlara əsasən regionda 45,254 qram heroin, 17,97 qram tiryək, 979,56 qram marixuana məhv edilib, 779,034 qram həşiş, 5123 kol xaş-xaş və 72 kol çətənə bitkisi yandırılaraq məhv edilib.
Məlumatda o da qeyd olunur ki, il ərzində 549 qram 899 mq heroin, 27 qram 984 mq tiryək, 778 qram 748 mq həşiş, 2 kq 135 qram 738 mq marixuana aşkar edilərək götürülüb.
