Tərtər rayonun ərazisində qazılan 100-ə yaxın neft quyusunun 1970-ci ildə fəaliyyəti dayandırılıb, beton örtüklərlə ağzı bağlanmasına baxmayaraq, quyulardan qaynayan neft əkin sahələrinə axaraq, ekologiyaya ciddi ziyan vurur.Bunun bir qismindən yerli əhali və ərazidə məskunlaşan məcburi köçkünlər yanacaq kimi istifadə edir.
Kənd sakinlərinin sözlərinə görə, nefti ilə çirklənmiş ərazidə kənd təsərrüfatı məhsulları əkəndə məhsuldarlıq olmur.
Məsələ ilə bağlı Tərtər rayon Ekologiya və Təbii Sərvətlər şöbəsindən Trend in bölgə müxbirinə bildirilib ki, həqiqətən də quyulardan sızan neft əkin üçün yararlı torpaq sahələrinə axaraq, torpağı eroziyaya uğradır, ciddi və fəsadlı problemlər yaradır. Onlar bununla bağlı Ekologiya və Təbii Sərvətlər Nazirliyinə yazılı müraciət edirblər. Rayon Ekologiya Şöbəsi problemin qarşısının alınması yolunu quyuların ağzının bağlanmasında görür
