"Seçki Məcəlləsində hər hansı dəyişiklik etməyə ehtiyac yoxdur." Bu sözləri Trend ə açıqlamasında hakim Yeni Azərbaycan Partiyası icra katibinin müavini, millət vəkili Mübariz Qurbanlı deyib.
O vurğulayıb ki, Azərbaycanın Seçki Məcəlləsi təkmil bir qanundur.
"Hazırkı qanunla istənilən səviyyədə seçki keçirmək mümkündür. Bu qanun əsasında bir neçə seçki keçirilib və onlar beynəlxalq normalara tam uyğun olub", -deyə Mübariz Qurbanlı qeyd edib.
Qeyd edək ki, Azərbaycan hökuməti ilə Avropa Şurası Venesiya Komissiyası arasında Seçki Məcəlləsinin təkmilləşdirilməsinə dair danışıqlar davam edir.
Bununla bağlı növbəti danışıqlar 2007-ci ilin martında Bakıda keçiriləcək.