Gəncə şəhəri üzrə 100,05% abonentlər elektrik sayğacı ilə təmin olunub. Trendin Qərb Bürosuna bu barədə məlumatı "Gəncə Elektrik Şəbəkə"-nin mətbuat xidmətinin rəhbəri Rafiq Abbasov verib.
Müsahib bildirdi ki, bu ilin fevral aynının 1-nə olan məlumata görə 67786 elektrik sayğacı quraşdırılıb. "Bu gün bizim şəbəkə üzrə 67 444 abonent qeydiyyatdadır. Lakin faktiki quraşdırılan sayğaclar onu göstərir ki, hələ də "Gəncə Elektrik Şəbəkə"də qeydiyyatda olmayan abonentlərimiz var. Məhz buna görə də sayğaclaşmaının faizi 100%-dən artıqdır" Abbasov belə deyib.
R. Abbasov əlavə edib ki, bu ilin yanvar ayı ərzində Gəncə şəhəri üzrə ümumilikdə 61 milyon 298 797 kv saat faydalı sərfiyyat olub ki, bunun da 43,3%-nin pulunun yığılması mümkün olub. Bu rəqəmdən 23,1%-i əhali sektorunun payına düşür. Abbasovun sözlərinə görə bu faiz az görünsə də, ötən ilin müvafiq dövründən yetərincə fərqlidir.
