Azərbaycan, Bakı /müx. Trend A.İsmayılova/ ABŞ-a səfəri çərçivəsində Azərbaycan XİN rəhbəri Elmar Məmmədyarov ABŞ dövlət katibi Kondoliza Raysla ikitərəfli münasibətləri, xüsusən enerji məsələlərini müzakirə edəcək. ABŞ-ın Azərbaycandakı səfirliyinin ictimai əlaqələr şöbəsinin başçısı Conatan Xenikin bildirdiyinə görə, Azərbaycan XİN rəhbəri ABŞ dövlət katibinin dəvəti ilə ölkəyə səfər edəcək.
Azərbaycan XİN-dən verilən məlumata görə, E.Məmmədyarovun ABŞ-a səfəri martın 5-6-da olacaq. Bu səfər çərçivəsində həmçinin Azərbaycanda gedən demokratik proseslərlə bağlı məsələlər və insan haqları ilə bağlı vəziyyət müzakirə ediləcək.