Azərbaycan,Bakı /müxbir Trend İ.Əlizadə/Martın 27-dən 31-dək İstanbulda "Dinlərarası və mədəniyyətlərarası dialoq gənclərlə iş müstəvisində" adlı simpozium keçiriləcək. Azərbaycanın Avropa Şurası Parlament Assambleyasındakı (AŞPA) nümayəndə heyətinin üzvü, millət vəkili Rafael Hüseynov bildirib ki, simpozium adıçəkilən qurumun Mədəniyyət, Elm və Təhsil Komitəsinin dəstəyi ilə keçirilən "Dinlərarası və mədəniyyətlərarası dialoq" mövzusunda beynəlxalq toplantılar silsiləsi çərçivəsində baş tutacaq.
Fevralın 27-də Strasburqda AŞPA-nın Mədəniyyət, Elm və Təhsil Komitəsinin təşkilatçılığı ilə "Dinlərarası və mədəniyyətlərarası dialoq" mövzusunda kollokvium keçirilib. R.Hüseynov tədbirlərdə iştirak edib.
Millət vəkili bildirib ki, İstanbulda keçiriləcək simpoziumda iştirak edəcək.
