...

Mülki Prosessual Məcəllənin təkmilləşdirilməsi ilə bağlı İşçi Qrupunun toplantısı keçiriləcək

Siyasət Materials 9 Mart 2007 13:27 (UTC +04:00)

Azərbaycan, Bakı / Trend müxbir K.Zərbalıyeva/ Martın 12-dən 16-dək Azərbaycan Mülki Prosessual Məcəlləsinin təkmilləşdirilməsi ilə bağlı İşçi Qrupunun toplantısı keçiriləcək. Toplantıda Ali və Apellyasiya məhkəmələrinin, Milli Məclisin və vəkillərin verdikləri təkliflər əsasında hazırlanmış layihə müzakirə olunacaq.

Müzakirələrdə Almaniyanın Ştudqart Yuxarı Torpaq Məhkəməsinin sədr müavini Herbert Mayer, Avropa Şurasının eksperti, Avstriya Ali Məhkəməsinin hakimi Matiyas Noymayr, Prezidentin İcra Aparatının, Milli Məclisin, Ali və Apellyasiya məhkəmələrinin, Almaniya Texniki Əməkdaşlıq Cəmiyyətinin (GTZ) nümayəndələri iştirak edəcək. Mülki Prosessual Məcəlləyə bir neçə maddənin əlavə olunması, bir qisim maddələrin tamamlanması təklif olunur. Qanun layihəsi hazr olandan sonra Milli Məclisin müzakirəsinə çıxarılacaq.

Xəbər lenti

Xəbər lenti