Azərbaycan, Bakı / Trend müxbir E. Hüseynli/ Azərbaycan Daxili İşlər Nazirliyinin (DİN) Baş Cinayət-Axtarış İdarəsi və Bakının Nəsimi Rayon Polis İdarəsinin əməkdaşlarının birgə keçirdikləri əməliyyat-axtarış tədbirləri zamanı Böyük Britaniya vətəndaşlarını döyərək onlardan mobil telefon və pul götürən şəhər sakinləri Rauf Nurizadə və Seymur Hüseynov tutulublar. Bu barədə şənbə günü DİN-in mətbuat xidmətindən məlumat verilib.
Məlumata görə, onlar aprelin 29-da Nəsimi rayonu ərazisində Böyük Britaniya vətəndaşları Kevin Soldersi və Pol Stengeri vəhşicəsinə döyüblər və üstlərindən bir mobil telefon, 80 manat pul götürüblər. Faktla bağlı cinayət işi açılıb.