...

Azərbaycan MSK-ya Qazaxıstanda keçiriləcək parlament seçkiləri ilə bağlı iki dəvət gəlib

Siyasət Materials 17 İyul 2007 11:58 (UTC +04:00)

Azərbaycan, Bakı / Trend müxbir S.İlhamqızı/ Azərbaycanın Mərkəzi Seçki Komissiyasına (MSK) Qazaxıstanda keçiriləcək parlament seçkilərini müşahidə etmək üçün ayrılıqda iki dəvət gəlib. Bu barədə MSK-nın beynəlxalq əlaqələr şöbəsinin müdiri Rövzət Qasımov məlumat verib.

Dəvətin birini Qazaxıstanın Mərkəzi Seçki Komissiyası ünvanlayıb. Digər dəvət isə MDB Müşahidə Missiyasından gəlib.

Qasımov qeyd edib ki, hazırda müraciətlərə baxılır, müşahidə missiyasında Azərbaycan MSK-dan kimlərin iştirak etməsi məsələsi müzakirə olunur: "Çox güman ki, dəvəti qəbul edib müşahidəçi kimi iştirak edəcəyik. Bu seçkidə MDB missiyası çərçivəsində, yaxud Qazaxıstan MSK-sının dəvəti əsasında fərdi şəkildə müşahidə aparılması məsələsi isə hələ dəqiqləşməyib" - deyə Qasımov məlumat verib.

Qeyd edək ki, çərşənbə axşamından etibarən Qazaxıstanda MDB müşahidə missiyasının qərargahı artıq fəaliyyətə başlayıb.

Qazaxıstan qanunvericiliyinə görə parlament seçkiləri yay mövsümünün son həftəsində keçirilməlidir.

Xəbər lenti

Xəbər lenti