Almaniya Bundestaqının Qafqaz Qrupunun üzvləri Azərbaycana səfər edəcəklər
Azərbaycan, Bakı / Trend , müxbir İ.Əlizadə / Yaxın vaxtlarda Almaniya Bundestaqının Qafqaz Qrupunun üzvləri Azərbaycana səfər edəcək. Bu barədə bazar ertəsi Bakıda Azərbaycanın Almaniyadakı səfiri Pərviz Şahbazov məlumat verib.
Diplomat qeyd edib ki, hazırda səfər proqramı və nümayəndə heyətinin tərkibi dəqiqləşdirilir. Onun sözlərinə görə, səfərdə məqsəd iki ölkə arasında əlaqələrin inkişafına dair müzakirələr aparmaq, qanunverici orqanlar arasında əməkdaşlığın genişləndirilməsi prespektivlərini öyrənməkdir.
