Azərbaycan, Bakı / Trend , müxbir S.Ağayeva/ Azərbaycan və Xorvatiya arasında ikitərəfli münasibətlərin perspektivləri Azərbaycan XİN-in rəhbəri Elmar Məmmədyarovun sentyabrın 5-6-da Zaqrebə rəsmi səfəri zamanı müzakirə olunacaq.
Məmmədyarovun Xorvatiya prezidenti Stipe Mesiç, xarici işlər naziri Kolind Xabar-Kiratovij, həmçinin Xarici İqtisadi Palatanın rəhbəri və ölkənin iqtisadiyyat, əməkdaşlıq və sahibkarlıq naziri ilə görüşləri planlaşdırılıb, bu barədə bazar ertəsi Azərbaycan XİN-in mətbuat katibi Xəzər İbrahim bildirib.
İbrahimin sözlərinə görə, görüşlərdə hər iki tərəfi maraqlandıran məsələlər, həmçinin beynəlxalq təşkilatlarda əməkdaşlıq və beynəlxalq vəziyyətlə bağlı məsələlər müzakirə olunacaq.
Məmmədyarov AB-nin Yeni Qonşuluq Siysəti çərçivəsində keçirdiyi konfransda iştirakından sonra Brüsseldən Xorvatiyaya yola düşəcək.