Azərbaycan, Bakı, 12 noyabr /müx. TrendLife Günel Əhmədova/ Əməkdar artist Ədalət Şükürov yeni mahnılarından birini ekranlaşdırmaq niyyətindədir. Bəstələr arasında seçim aparan əməkdar artist mahnının ekranlaşdırılacağı məkanı artıq seçib. Müğənninin TrendLife-a bildirdiyinə görə, çəkilişlər paytaxdan uzaqda, daha dəqiq desək, Kubada aparılacaq. Sənətçi yaxın günlərdə çəkiliş qrupu ilə birgə Kubaya yola düşəcəyini söylədi.