Azərbaycan, Quba / Trend müxbir A.Qafarov/ Azərbaycanın şimal bölgəsində boşanmaların sayı təqribən azalıb. Dövlət Statistika Komitəsindən çərşənbə axşamı bildiriblər ki, şimal bölgəsinə daxil olan Quba, Qusar, Xaçmaz, Dəvəçi və Siyəzən rayonlarında yanvar-oktyabr aylarında boşanma 2 faiz azalıb. Hesabat dövründə qeydə alınan 832 nikahdan 136-sı uğursuz olub. Ən çox boşanma halı Xaçmaz rayonundadır. Xaçmazda qeydə alınan 207 nikahdan 41-i boşanma ilə nəticələnib ki, bu da təqribən 20 faiz təşkil edir. Boşanmalara səbəb kimi valideynlərin müdaxiləsi, sonsuzluq, əksər hallarda kişilərin Rusiya və xarici dövlətlərdə ailə qurmaları göstərilir.