Azərbaycan, Şəki,12 fevral / Trend ", müxbir E.Quliyev/ Azərbaycanın stolüstü tennis üzrə böyüklərdən ibarət yığma komandası Şəki şəhərində təlim-məşq toplanışındadır. Yığmanın baş məşqçisi Zudov Aleksandr Nikolayevic çərşənbə axşamı Trend ə bildirib ki, yığma komanda Çində fevralın 28-dən martın 2-dək keçiriləcək dünya çempionatına hazırlaşır. Onun sözlərinə görə, dünya çempionatında Azərbaycan yığmasını,3 -ü qadın olmaqla, 6 idmançı təmsil edəcək. Baş məşqçi dünya çempionatında ən azı 2 qızıl medala iddialı olduğunu deyib.
Yığma komanda təlim-məşq toplanışını fevralın 20-nə kimi davam etdirəcək.
Şəki paytaxt Bakıdan 352 kilometr şimal-qərbdə yerləşir.
Müəlliflə əlaqə saxlamaq üçün elektron ünvan - [email protected]