Azərbaycan, Bakı, 20 oktyabr / Trend , müxbir R.Ergün/ Yunanıstanda keçirilən şahmat üzrə Avropa kubokunda qarşılaşan azərbaycanlı şahmatçıların görüşü heç-heçə başa çatıb.
Şahmat üzrə klublar arasında keçirilən Avropa kubokunda Azərbaycanın üç şahmatçısı - Teymur Rəcəbov, Şəhriyar Məmmədyarov və Vüqar Həşimov müxtəlif klubların heyətində çıxış edir.
Yarışın 3-cü turunda qarşılaşan Məmmədyarovla Həşimovun görüşündə qalib müəyyənləşməyib.
Rəcəbov Avropa kubokunda Rusiyanın "Ural", Məmmədyarov Makedoniyanın "Alkaloid", Həşimov isə İsrailin "Aşdod" klubunun heyətində çıxış edir.
Məqalə müəllifi ilə əlaqə ünvanı: [email protected]