Azərbaycan, Gəncə, 25 noyabr / Trend , müxbir V.Məmmədov/ Azərbaycanın qərbində yerləşən Gəncə şəhərində (paytaxt Bakıdan 365 kilometr aralı) son bir ayda gigiyenik qaydalara əməl etməyən bir obyekt bağlanıb, 3-ü isə cərimələnib. Bu barədə çərşənbə axşamı Trend -a Gəncə şəhər Gigiyena və Epidemialogiya Mərkəzinin qidalanma gigiyenası bölməsinin müdiri Kərim Rəhimov məlumat verib.
Gəncədə il ərzində 16 obyekt bağlanıb, 27-si isə cərimələnib. Gəncədə 266 kommunal, 46 içtimai iaşə, 110 uşaq-yeniyetmə, 77 sənaye obyekti var.
Onun sözlərinə görə, bağlanan obyekt Yeni Gəncə qəsəbəsində yerləşən "Məxmər" yeməkxanasıdır.
"Bu obyektə sanitar gigiyenik qaydalara əməl edilməməsi ilə bağlı bir neçə dəfə xəbərdarlıq etmişdik. Nəticə olmadığı üçün bağlamaq qərarına gəldik", - deyən Rəhimov əlavə edib.
Cərimələnən obyektlərdən ikisi çayxana, biri isə restorandır.
Məqalə müəllifi ilə əlaqə ünvanı: [email protected]
