Azərbaycan, Bakı, 28 noyabr / Trend , müxbir A.Hüseynbala/ Azərbaycanda 2010 - cu ildə keçiriləcək parlament seçkilərinə qədər bölgələrin əksəriyyətində yerli televiziya kanallarının açılması nəzərdə tutulur.
"Bölgələrdə telekanalların olmaması seçki kampaniyasında ciddi problem yaradır. 2005 - ci ildə keçirilən parlament seçkisində yerli telekanalların olmamasına görə, bütün namizədlər Bakıdakı televiziyalar vasitəsilə təbliğat aparırdılar", - cümə günü Trend - a Azərbaycan Milli Televiziya və Radio Şurasının sədri Nuşirəvan Məhərrəmli bildirib.
Trend - un arayışı: Azərbaycanın Quba-Xaçmaz bölgəsində üç, Qərb bölgəsində - Tovuz rayonunda bir, Gəncə şəhərində iki telekanal fəaliyyət göstərir. Lənkəran raoynunda və Mingəçevir şəhərində də yerli telekanallar açılıb.
Şura sədrinin sözlərinə görə, yaxın zamanda Yevlax və Şəki rayonlarında yeni telekanalların açılması nəzərdə tutulub.
"Şirvan şəhərində, Şamaxı rayonunda və Aran bölgəsində, Bərdədə də yerli teleknallar yoxdur. Biz bu ərazilərdə yerli telekanalların parlament seçkilərinədək açılmasına maraqlıyıq", - Məhərrəmli vurğulayıb.
O deyib ki, bölgələrdə telekanalların açılmasına lazımi şərait yaradılmalıdır.
"Yerli kanallarda işləmək üçün kadrların hazırlanmasına, reklam bazarının formalaşmasına da ciddi ehtiyac var", - Məhərrəmli bildirib.
Məqalə müəllifi ilə əlaqə ünvanı: [email protected]