Azərbaycan, Bakı, 29 yanvar / Trend , müxbir T.Cəfərov/ İranlı rejissor İbrahim Məhəmmədi balaca uşaqlar üçün "Günəbaxan" adlı verilişinin yeni versiyasını hazırlayıb və İranın "Səhər" kanalında yayımlanacaq, Trend -un məlumatına görə, bu barədə cümə axşamı İranın "Fars News" agentliyi məlumat yayıb.
Səhər kanalının mətbuat xidmətinin məlumatına əsasən, "Günəbaxan" verilişinin üçüncü dövr efir çəkilişləri sona çatıb. Yeni veriliş hər biri 15 dəqiqə olmaqla 90 hissədən ibarətdir. Verilişin hazırda montaj işləri tamamlanmaqdadır və Novruz bayramından sonra efirə çıxacaq.
Verlişin rejissoru Məhəmmədi bildirib ki, "Günəbaxan" verilişində uşaqların əylənməsi ilə yanaşı, onların təlim-tərbiyəsi ilə bağlı süjetlər də veriləcək. Verilişdə sadə, başa düşülən Azərbaycan dilində uşaqlara dini təlimlər də öyrədiləcək.
Onun sözlərinə görə, dini təlimlər müxtəlif əyləncələr, nağıllar, dini hekayələr və müxtəlif sual-cavab vasitələri ilə Azərbaycan yeniyetmə və körpələrinə çatdırılacaq.
Verilişdə uşaqlar uçün nəzərdə tutulmuş nağıllarda əmanətçilik, halal, haram məsələlərindən, digər hissələrdə isə dini hekayələrin, peyğəmbərin, imamların həyatından bəhs ediləcək. Bu bölmədə rəsmlər çəkiləcək və aparıcı onların üzərində körpələrə nağıl danışacaq.
Məqalə müəllifi ilə əlaqə ünvanı: [email protected]