Gürcüstan, Tbilisi, 09 mart / Trend , müxbir N.Kirtsxaliya /
Gürcüstan şirkətləri martın 10-da Berlində keçirilməsi nəzərdə tutulan Beynəlxalq Turizm Sərgisində (ITB) iştirak edəcək. Sərgidə turizm biznesi ilə bağlı təqribən 12 000 şirkət iştirak edəcək.
Turizm Departamentinin təşəbbüsü ilə Gürcüstanı altı turizm şirkəti təmsil edəcək: "Concord Travel", "Caucasus Travel", "Visit Georgia", "InterTur", "Vanilla Sky" və "Medea Tours". Bu şirkətlər arasında Gürcüstana cəlb edən turoperatorlar və turizm agentlikləri var.
Berlində keçiriləcək sərgidə Gürcüstan üçün 60 kv. metrlik sahəsi olan stend ayrılacaq. Sərgidə respublikanın turizm potensialı nümayiş olunacaq.
Berlində keçiriləcək sərgi martın 15-dək davam edəcək.
Məqalə müəllifi ilə əlaqə ünvanı: [email protected]
