Azərbaycan, Bakı, 18 iyun / Trend , müxbir K.Zərbalıyeva /
"Avropa+" radiosu Azərbaycan Milli Teleradio Şurasının lisenziyanın vaxtından əvvəl geri alinması barədə qərarının qanunsuz hesab edilməsi üçün məhkəməyə müraciət edib.
Şuradan cümə axşamı Trend -a verilən məlumata görə, 1 saylı Bakı İqtisad Məhkəməsində "Avropa+" radiosunun lisenziyasının geri alınması barədə MTRŞ-nin iddiası üzrə keçirilən prosesdə cavabdeh tərəf qarşılıqlı iddia ilə çıxış edib.
Məhkəmə "Avropa+"-un qarşılıqlı iddiasını təmin etməyib.
Radionun nümayəndəsi bu qərardan apellyasiya şikayəti verəcəyini bildirib.
Bu səbəbdən də proses qeyri-müəyyən vaxtadək təxirə salınıb.
MTRŞ nümayəndəsi Toğrul Məmmədov hesab edir ki, cavabdeh tərəf bu hərəkətləri ilə lisenziyaya xitam verilməsi ilə bağlı müddəti süni surətdə uzatmaq məqsədi daşıyır.
MTRŞ 2006-cı il dekabrın 8-də "Avropa+" radiosuna 6 il müddətinə lisenziya verib.
Radio dil qaydalarını pozduğu və bu barədə MTRŞ tərəfindən edilən xəbərdarlıqlara məhəl qoymadığı üçün Şuranın 30 dekabr 2008-ci il tarixli qərarı ilə lisenziyasının vaxtından əvvəl alınması barədə məhkəməyə müraciət olunub.
Məqalə müəllifi ilə əlaqə ünvanı: [email protected]