Azərbaycan, Bakı, 16 sentyabr / Trend , müxbir C.Babayeva /
Azərbaycan Dövlət İqtisad Universitetinin nəzdində İqtisadi Araşdırmalar Elmi-Tədqiqat İnstitutu yaradılır, çərşənbə günü Trend -a Nazirlər Kabinetinin mətbuat xidmətindən bildirilib.
Nazirlər Kabinetinin istitutun yaradılması barədə qərarına əsasən, İqtisadi Araşdırmalar Elmi-Tədqiqat İnstitutu Dövlət İqtisad Universitetində fəaliyyət göstərən "Azərbaycan regionlarının inkişafı problemləri üzrə elmi araşdırma və konsaltinq" Mərkəzinin bazasında və mövcud ştat vahidləri dairəsində yaradılır.
Qərara əsasən, İqtisadi Araşdırmalar Elmi-Tədqiqat İnstitutunun fəaliyyəti ilə bağlı tələb olunan xərclər dövlət büdcəsinin mərkəzləşdirilmiş xərclərinin Azərbaycan Dövlət İqtisad Universiteti üzrə nəzərdə tutulmuş vəsaiti çərçivəsində həyata keçiriləcək.
İqtisadi Araşdırmalar Elmi-Tədqiqat İnstitutunun yaradılması barədə qərar Təhsil Nazirliyinin təklifi nəzərə alınmaqla qəbul olunub.
Məqalə müəllifi ilə əlaqə ünvanı: [email protected]
