Azərbaycan, Bakı, 08 oktyabr / Trend , müxbir M.Əliyev/
Azərbaycanda insan hüquqlarına dair işçi qrupuna ən çox vətəndaşların Bakının yerli icra hakimiyyətlərindən şikayətləri daxil olub.
"Vətəndaşlar "Bakıelektrikşəbəkə" Açıq Tipli Səhmdar Cəmiyyətinin, hüquq-mühafizə orqanlarının fəaliyyəti ilə də bağlı müxtəlif şikayətlərlə bizə müraciət edirlər", - Trend -un məlumatına görə, cümə axşamı keçrilən tədbirdə İnsan hüquqlarına dair beynəlxalq standartların təsbiti üzrə Birgə İşçi Qrupunun "Qaynar xətt" xidmətinin rəhbəri Şahin Camalov bildirib.
Camalovun sözlərinə görə, işçi qrupu artıq "Qaynar xətt" xidmətini regionlarda aktivləşdirib. "Hüquqları pozulan insanlar bu barədə 088-408-30-17 saylı telefonla əlaqə saxlayıb bizə məlumat verə bilərlər. Hüquqi məsləhətlər almaq istəyən vətəndaşlar isə 088-408-30-27 saylı telefondan istifadə edəcəklər", - xidmətin rəhbəri əlavə edib.
"İnsan hüquqlarının daha yaxşı qorunmasını təmin etmək üçün "İctimai nəzarət haqqında" qanun layihəsinin qəbul olunması zəruridir", - tədbirdə çıxış edən layihənin rəhbəri Kamil Səlimov bildirib.
Səlimov deyib ki, bu qanun layihəsi işçi qrupunda hazırlanıb və 2008-ci ilin oktyabr ayında Milli Məclis Aparatına təqdim olunub.
Məqalə müəllifi ilə əlaqə ünvanı: [email protected]
