Azərbaycan, Bakı, 24 noyabr / Trend , müxbir H.Bağırov/
Azərbaycan paytaxtında anasını xüsusi amansızlıqla qətlə yetirən Rusiya əsilli Azərbaycan vətəndaşının məhkəməsi başlayıb.
Trend -un məlumatına görə, çərşənbə axşamı Ağır Cinayətlərə Dair İşlər üzrə Məhkəmədə 41 yaşlı Novotorjin Vladislav İvanoviçin cinayət işi üzrə məhkəmənin hazırlıq iclası keçirilib. Məhkəmə baxışı dekabrın 1-nə təyin edilib.
Təqsirləndirilən şəxs bu il iyunun 10-da Əmircan qəsəbəsi, H.Zərdabi küçəsində anası, 1940-cı il təvəllüdlü Novotorjina Valentina İvanovnanı bıçaqlayaraq qətlə yetirib.
Novotorjina xəstəxanaya çatdırılsa da, aldığı bıçaq xəsarətləri ağır olduğundan onun həyatını xilas etmək mümkün olmayıb.
Təqsirləndirilən şəxs həmin gün Suraxanı rayon Polis İdarəsinin 31-ci polis bölməsi əməkdaşlarının həyata keçirdiyi əməliyyat-axtarış tədbirləri nəticəsində həbs edilib.
Məqalə müəllifi ilə əlaqə ünvanı: [email protected]
