İranın səhiyyə naziri Mərziyyə Vəhid Dəstcerdi bildirib ki, indiyədək İranda A/H1N1 virusu 147 İran vətəndaşının həyatına son qoyub. Bu barədə Trend İranın İRNA xəbər agentliyinə istinadən məlumat yayıb.
Dəstcerdi əlavə edib ki, virusa yoluxanların sayı isə 3762 nəfərdir.
İranda "donuz qripi"nə ilk yoluxma faktı iyunun 14-də qeydə alınıb. Virus Tehrana gələn İran əsilli 16 yaşlı amerikalı yeniyetmədə aşkar edilib. Noyabrın 25-də İranın infeksion xəstəliklərlə mübarizə komitəsinin üzvi Məsud Mərdani İranda "donuz qripi"ndən ölənlərin sayının 140 nəfərə və virusa yoluxanların sayının isə 3128 nəfərdən 3672 nəfərə qədər artığını bildirmişdi.