...

Azərbaycan Parlamentinin komitə sədri mədəniyyət kanalının yaradılmasına ehtiyac olduğunu düşünür

Cəmiyyət Materials 14 Yanvar 2010 11:07 (UTC +04:00)

Azərbaycan, Bakı, 13 yanvar / Trend , müxbir A.Hüseynbala/

Azərbaycan Parlamentinin komitə sədri mədəniyyət kanalının yaradılmasına ehtiyac olduğunu düşünür.

"Mədəniyyət kanalının özünü maliyyələşdirmək imkanı olmadığından, onun hansısa telekanalın nəzdində fəaliyyət göstərməsi daha məqsədəuyğundur", - cümə axşamı Trend -a Milli Məclisin Mədəniyyət komitəsinin sədri Nizami Cəfərov bildirib.

Trеnd Nеws-un аrаyışı: Azərbaycanda 8 ümumrespublika, 14 regional, 13 kabel televiziyası fəаliyyət göstərir.

Cəfərovun sözlərinə görə, bu kanalın kinostudiyanın nəzdində yaradılması ilə bağlı da təklif irəli sürülüb.

"Düşünürəm ki, kinostudiyanın nəzdində yaradılarsa, həmin telekanalın texniki imkanları yüksək olacaq. Əlbəttə, kanalın ayrıca rəhbərliyi olmalı, mədəniyyət və incəsənət xadimlərindən ibarət xüsusi komissiya tərəfindən idarə edilməlidir", - komitə sədri əlavə edib.

Onun fikrincə, mədəniyyət kanalı təxminən İctimai Televiziya formasında olmalıdır.

"Biz elə bir kanal yaratmalıyıq ki, onun verilişləri də adı kimi mədəni olsun. Çoxüslubluluğa xüsusi diqqət yetirilməlidir, müəlliflərin sayı çoxluq təşkil etməlidir", - Cəfərov vurğulayıb.

Komitə sədri deyib ki, mədəniyyət kanalının texniki və rejissor heyətləri daimi ola bilər.

"Müəlliflərin isə ya müqavilə ilə, ya da başqa formalarda bu kanalla əməkdaşlıq etməsi daha məqsədəuyğundur", - o, xatırladıb.

Məqalə müəllifi ilə əlaqə ünvanı: [email protected]

Xəbər lenti

Xəbər lenti