Fransa, Strasburq, 15 yanvar / Trend , müxbir A.Qasımova/
Azərbaycan Respublikasının Konstitusiya Məhkəməsinin sədri Fərhad Abdullayevin rəhbərlik etdiyi nümayəndə heyəti Avropa İnsan Hüquqları Məhkəməsinin yeni açılış ili ilə bağlı keçiriləcək ənənəvi tədbirdə iştirak etmək məqsədilə 27-30 yanvar tarixlərində Strasburqa səfər edəcək. Bu barədə cümə günü Trend -a Azərbaycanın AŞ yanında Daimi Nümayəndəliyindən məlumat verilib.
Səfər çərçivəsində Fərhad Abdullayevin AİHM-in sədri Jan-Pol Kosta (Jean-Paul Costa) və digər rəsmi şəxslərlə görüşü nəzərdə tutulub.
Nümayəndə heyətinin tərkibinə KM-in hakimi Rafael Qvaladze və qurumun beynəlxalq əlaqələr şöbəsinin rəisi Rauf Quliyev daxildir.