Azərbaycan, Bakı, 17 fevral / Trend , müxbir H.Bağırov/
Rusiyada qəsdən adam öldürməkdə təqsirli bilinən azərbaycanlının məhkəməsi başlayıb.
Trend -un məlumatına görə, bu gün Ağır Cinayətlərə Dair İşlər üzrə Məhkəmədə Şəmkir rayon sakini Mübariz Quliyevin cinayət işi üzrə keçirilən prosesdə təqsirləndirilən şəxs ifadə verib. O, elan olunmuş ittiham üzrə özünü təqsirli bilməyib.
Məhkəmə prosesi fevralın 24-də şahid ifadələri ilə davam etdiriləcək.
Təqsirləndilən şəxs 2008-ci ilin dekabrın 26-dan 27-nə keçən gecə bizneslə məşğul olan Gəncə şəhər sakini Elçin Kazımovu bıçaqlayaraq qətlə yetirib. O, daha sonra Azərbaycana qayıdaraq, istintaqdan yayınıb.
Quliyev 2009-cu ilin dekabrında həbs edilib.