Azərbaycan, Bakı, 17 mart / Trend , müxbir M.Əliyev/
Məşhur alman dirijoru Pyer-Dominik Ponelli Azərbaycanda "Traviata" operasına dirijorluq edəcək.
Səfər Azərbaycan Dövlət Akademik Opera və Balet Teatrının dəvəti ilə baş tutacaq. Bu barədə teatrın məlumatında deyilir.
"Traviata" operasında Violetta partiyasını ilk dəfə olaraq Azərbaycanın əməkdar aktrisası İnarə Babayeva ifa edəcək. Tamaşada, həmçinin Azərbaycanın xalq artisti Azər Zeynalov (Alfredo partiyası), əməkdar artistlər Əvəz Abdullayev (Jermon), Əli Əsgərov (markiz) və Əkrəm Poladov (həkim) iştirak edəcək.
Pyer-Dominik Ponelli Avropanın ən çox sevilən dirijorlarından biridir. O, 1992-1996-cı illərdə Belarus Milli Filarmoniya Orkestrinin baş dirijoru və bədii rəhbəri işləyib.