Azərbaycan, Bakı, 15 fevral /Trend, müxbir M.Əliyev/
Azərbaycanın Tələbə Qəbulu üzrə Dövlət Komissiyası(TQDK) çərşənbə axşamı ölkənin ali məktəblərinin magistraturalarına imtahanların birinci turunda iştirak etmək istəyənlər üçün bakalavrların buraxılış vərəqələrinin verilməsinə başlayıb. Bu barədə Trend-ə komissiyanın mətbuat xidmətinin rəhbəri Elnur Nağıyev məlumat verib.
Bakalavrlar buraxılış vərəqələrini fevralın 20-dək (20-si daxil olmaqla) TQDK-nın www.tqdk.gov.az saytından götürə bilərlər.
Qəbul imtahanlarının birinci turu fevralın 20-də keçiriləcək. İmtahanlarda iştirak etmək üçün 16 mindən çox bakalavr ərziə verib.