Azərbaycan, Bakı, 24 sentyabr /Trend/
Azərbaycanlı gimnast Aliyə Qarayeva dünya çempionatının bürünc mükafatçısı olub və 2012-ci il Londonda keçiriləcək Olimpiya Oyunlarına lisenziya alıb.
Trend-in məlumatına görə, bu hüququ o, Fransanın Monpelye şəhərində keçirilən bədii gimnastika üzrə dünya çempionatında əldə edib.
Mundialın çöxnövçülük üzrə finalında çıxış edən Qarayeva üçüncü yeri tutub.
Qeyd edək ki, bu, Azərbaycan gimnastikası tarixində ilk belə hadisədir.
Beləliklə, Aliyə Qarayeva Londona birbaşa vəsiqə alan 15 gimnastın sırasındadır.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
