...

Azərbaycan sinoptikləri havanın kəskin soyuqlaşacağı barədə xəbərdarlıq yayıb

Cəmiyyət Materials 25 Yanvar 2012 10:27 (UTC +04:00)
Yanvarın 25-i axşamdan 29-u gündüzədək Bakı və Abşeron yarımadasında hava şəraitinin yenidən güclü küləkli və soyuq keçəcəyi gözlənilir.
Azərbaycan sinoptikləri havanın kəskin soyuqlaşacağı barədə xəbərdarlıq yayıb

Azərbaycan, Bakı, 25 yanvar / Trend müxbir İ.İsabalayeva/

Azərbaycan sinoptikləri ölkə ərazisində havanın kəskin soyuqlaşacağı barədə xəbərdarlıq yayıb.

Ekologiya və Təbii Sərvətlər Nazirliyindən çərşənbə günü Trend-ə verilən məlumata görə, yanvarın 25-i axşamdan 29-u gündüzədək Bakı və Abşeron yarımadasında hava şəraitinin güclü küləkli və soyuq keçəcəyi gözlənilir.

Bu müddətdə havanın arabir yağıntılı olacağı, qar yağacağı gözlənilir.

Yanvarın 27 və 28-də bəzi ərazilərdə qarın intensivləşəcəyi ehtimalı var.

Yanvarın 26 və 27-də havanın temperaturunun gecə 1-3 dərəcə şaxta, gündüz 0 dərəcəyə yaxın olacağı gözlənilir.

Yanvarın 28-də havanın temperaturu bir qədər də aşağı enəcək.

Şimal-qərb küləyi saniyədə 10-15 metr sürəti ilə əsəcək, arabir küləyin sürəti 20-25 metrədək güclənəcək.

Gözlənilən şaxtalı hava şəraiti ilə əlaqədar yollar buz bağlayacaq.

Qeyri-sabit hava şəraiti Azərbaycanın əksər ərazilərində də hökm sürəcək.

Xəbər lenti

Xəbər lenti