Azərbaycan, Bakı, 27 yanvar /Trend, müxbir E.Mehdiyev/
Düsseldorf şəhərinin meri Dirk Elsbersin rəhbərlik etdiyi nümayəndə heyəti bu gün Bakıda Dövlət Bayrağı meydanında olub.
Trend-in məlumatına görə, Elsbers Bayraq meydanında yaradılan şəraitlə yaxından tanış olub.
Elsbers həmçinin 57-ci "Eurovision" mahnı müsabiqəsinin keçirilməsi üçün təsdiq olunan "Baku Crystal Hall"ın tikintisi işləri ilə də tanış olub.
Qeyd edək ki, 57-ci "Eurovision" mahnı müsabiqəsi Bayraq Meydanında inşa olunan "Baku Crystal Hall"da baş tutacaq.
Azərbaycan 2011-ci ilin mayında Düsseldorfda keçirilən "Eurovision" müsabiqəsində qələbə çalaraq Avropanın məşhur yarışmasına ev sahibliyi etmək hüququ qazanıb.
Yanvarın 25-də "Buta Palace"da keçirilən tədbirdə açar təqdim etmə mərasimində "Eurovision 2011"-ə ev sahibliyi etmiş Düsseldorf şəhərinin meri Dirk Elsbers "Eurovision" mahnı müsabiqəsinin rəmzi açarını Bakı şəhərinin meri Hacıbala Abutalıbova təqdim edib.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
