Azərbaycan, Bakı, 27 fevral /Trend müxbir H.Vəliyev/
Qaz sayğaclarının SMART-kartlarının yüklənməsi üçün kart-riderlərin qiyməti əhaliyə 30 manata başa gələcək. Bu barədə bazar ertəsi Trend-ə "Komtec" şirkətinin kommersiya direktoru Fərid İsmayılzadə bildirib.
Onun sözlərinə görə, qurğuları hazırlanması yekunlaşmaq ərəfəsində olan internet-resurs vasitəsilə artıq martın ilk həftəsinin sonuna sifariş etmək mümkün olacaq.
Ödənişi evdən və ya ofisdən çıxmadan internet vasitəsilə həyata keçirmək mümkün olacaq.
"Bu kart-riderlər elektron sənədlərin rəqəmsal imza ilə təminatı zamanı istifadə edilə bilər. Bundan başqa, martın əvvəlində Azərbaycanın bankları kart-riderlərlə təmin ediləcəklər ki, bu da vətəndaşlara SMART-kartları bilavasitə bankların filial şəbəkələrində nağd vəsaitlərlə yükləməyə imkan verəcək", - İsmayılzadə deyib.
