Bakının bəzi küçə və prospektlərində avtomobillərin hərəkəti məhdudlaşdırılacaq

Azərbaycan, Bakı, 12 mart / Trend müxbir K.Zərbalıyeva/

Xorvatiya Prezidentinin Azərbaycana rəsmi səfəri ilə əlaqədar Azneft meydanı, Neftçilər prospekti, Üzeyir Hacıbəyov, Zərifə Əliyeva, Rəsul Rza küçələri və onlarla kəsişən digər küçə və yollarda bu gün saat 17:00-dən başlayaraq avtomobillərin hərəkətinə fasilələrlə məhdudiyyət qoyulacaq və istiqamət dəyişdiriləcək. Bu barədə Trend-ə Bakı Şəhər Dövlət Yol Polisi İdarəsinin bölmə rəisi Vaqif Əsədov məlumat verib.

Yol polisi sürücülərə şəxsi nəqliyyat vasitələrindən mümkün qədər az istifadə edilməsini və alternativ yollardan istifadə olunmasını tövsiyə edir.