Azərbaycan, Bakı, 22 iyun /Trend, müxbir Y.Kosolapova/
Almatı-Bakı marşrutu üzrə hərəkət edən və cümə günü Şımkentə məcburi eniş edən "Air Astana" aviaşirkətinin təyyarəsi, ilkin məlumatlara görə, Şımkentdən Bakıya Şımkent vaxtı ilə saat 18:00-da (Bakı vaxtı ilə saat 17:00-da) uçacaq. Bu barədə cümə günü Trend-ə şirkətin ictimaiyyətlə əlaqələr üzrə meneceri Janna Badaubayeva telefon əlaqəsi zamanı bildirib.
"İlkin uçuş vaxtı saat 18:00-a təyin edilib", - Badaubayeva deyib.
Şirkətin mühəndisləri saat 16:30-da Şımkentə gəliblər və hazırda təyyarədə texniki işlər aparılır.
Badaubayevanın sözlərinə görə, təyyarənin sərnişinləri tranzit reyslər üçün nəzərdə tutulan gözləmə zalındadırlar. Sərnişinlərə sərinləşdirici içkilər və qida məhsulları təqdim edilib.