Azərbaycan, Bakı, 30 iyun /Trend, müxbir M.Əliyev/
Azərbaycanda yeni beynəlxalq gənclər təşkilatı yaradılıb.
Trend-in məlumatına görə, təşkilatı Azərbaycan Gənclər Təşkilatları Milli Şurasının sədri, deputat Fuad Muradov yaradıb.
Muradov şənbə günü jurnalistlərə bildirib ki, Azərbaycan həqiqətlərinin dünyaya təqdim olunmasında yeni beynəlxalq səviyyədə fəaliyyət göstərən təşkilatlara ehtiyac var.
O, yeni yaradılmış "Böyük İpək Yolu" Beynəlxalq Gənclər Təşkilatının sədri seçildiyini bildirib. "Təşkilatın bu yaxınlarda keçirilən toplantısında idarə heyəti seçilib", - deputat deyib.
Muradov qeyd edib ki, "Böyük İpək Yolu" Beynəlxalq Gənclər Təşkilatının katibliyi ilk üç ildə Azərbaycanda olacaq.