Azərbaycan, Bakı,27 sentyabr /Trend müxbir K.Zərbalıyeva/
Azərbaycanda respublika əhəmiyyətli avtomobil yolunun bir hissəsi yenidənqurmadan sonra açılıb.
Trend-in "Azəryolservic" ASC-nin rəsmi saytına istinadən verdiyi məlumata görə, Yevlax-Xocalı-Laçın avtomobil yolunda bu günə qədər heç bir əsaslı təmir işləri aparılmayıb.
Bu səbəbdən də cari ilin iyun ayından əsaslı şəkildə yenidənqurma işlərinə start verilib.
Hazırda yolun Yevlaxdan Bərdəyədək olan hissəsində təmir işləri yekunlaşıb. 26 km məsafədə 1 körpü yenidən tikilib, 3 laydan ibarət asfalt-beton örtük salınıb, yol nişanları quraşdırılıb və xətlənmə işləri həyata keçirilib.
