Azərbaycan, Bakı, 7 fevral /Trend/
Sabah Yasamal rayonuna içməli suyun verilməsində məhdudiyyətlər olacaq.
"Azərsu" ASC-nin mətbuat xidmətindən Trend-ə verilən məlumata görə, istehlakçıların içməli su təchizatının yaxşılaşdırılması məqsədilə Bakı şəhəri, Yasamal rayonu, M.Müşfiq küçəsində yeni çəkilmiş 500 mm diametrli magistral su xətti şəbəkəyə qoşulacaq. Bununla əlaqədar fevralın 8-də gün ərzində Bakı şəhəri, Yasamal rayonu, İ.Qutqaşenli, M.Müşfiq küçələrinə, eləcə də Parlament prospektinə içməli suyun verilməsində məhdudiyyətlər olacaq.
Yaranacaq narahatlıqla əlaqədar "Azərsu" ASC abunəçilərdən üzr istəyir.