Azərbaycan, Bakı, 29 mart /Trend, müxbir İ.İsabalayeva/
Tələbə Qəbulu üzrə Dövlət Komissiyasının aprelin 7-də keçirəcəyi sınaq imtahanına yazılış başa çatmaq üzrədir.
Komissiyadan cümə günü Trend-ə verilən məlumata görə, imtahanda iştirak etmək üçün respublika üzrə abituriyentlərə 34464 yer ayrılıb. İmtahana qeydiyyat internet vasitəsilə martın 28-dən aparılır. Bu gün saat 10:30-a olan məlumata əsasən, ayrılan yerlərdən yalnız ikisinə yazılış edilməyib.
Növbəti sınaq imtahanı aprelin 14-də keçiriləcək. Hazırda həmin tarix üzrə imtahana qeydiyyat aparılır.