Azərbaycan, Bakı, 3 aprel /Trend, müxbir İ.İzzət/
Dalay Lama Nizami Gəncəvi Beynəlxalq Mərkəzi və Madrid Klubunun Azərbaycanda təşkil edəcəyi Cənubi Qafqaz Forumu ilə əlaqədar fikirlərini bölüşüb.
Diasporla İş üzrə Dövlət Komitəsinin mətbuat xidmətindən Trend-ə verilən məlumata görə, Dalay Lama Nizami Gəncəvi Beynəlxalq Mərkəzinin kollektivinə yazıb ki, 12-ci əsirdə yasamış Azərbaycan şairi Nizami Gəncəvinin insan hüquqlarına belə həssaslıqla yanaşdıqını araşdırmanız və əsərlərində insan hüquqlarını təbliğ etməsini görmək çox təsirləndiricidir və bir örnəkdir.
"21-ci əsrdə utancverici bir hal olan qadın alveri, insan hüquqlarının pozulması kimi qlobal problemə 9 əsr bundan öncə yaşamış bir mütəffəkir Nizaminin qul olaraq ona göndərilən qadını azad edərək, onu kənizi etməsi qadına göstərdiyi qayğı cəmiyyət üçün çox önəmli bir haldır.
Bəşəriyyətin anlaşması və birliyi baxımından, bu günki dünyanın dərin qarşılıqlı bir təbiətini anlamaq, bu qlobal məsələnin həllində effektiv beynəlxalq fəaliyyəti qurmaq üçün Nizami kimi ümumbəşəri dəyərləri birləşdirən mütəffəkkirlər müstəsna rol oynayır",- məktubda bildirilir.
Dalay Lama Nizami Gəncəvi Beynəlxalq Mərkəzinin bəşəriyyət üçün önəmli olan problemlərə belə diqqətlə yanaşmasını yüksək qiymətləndirib.
Qeyd edək ki, Nizami Gəncəvi Beynəlxalq Mərkəzinin toplantısı Gəncə Şəhər İcra Hakimiyyəti və Diasporla İş üzrə Dövlət Komitəsinin dəstəyi ilə reallaşdırılır.